Bashkëthemeluesi i Nike, Phil Knight, dhe bashkëshortja e tij dhurojnë 2 miliardë dollarë për luftën kundër kancerit

Shëndeti | 18.08.2025 Ora 9:29

Phil Knight, bashkëthemeluesi i Nike, dhe gruaja e tij, Penny, kanë dhuruar një shumë marramendëse prej 2 miliardë dollarësh Institutit Knight për Kancerin në Universitetin e Shëndetit dhe Shkencës në Oregon (OHSU). Kjo është donacioni më i madh i bërë ndonjëherë për një universitet ose qendër akademike shëndetësore në SHBA.

Ky donacion i shpallur më 14-15 gusht 2025 do të mundësojë që instituti të funksionojë si një entitet autonom brenda OHSU-së, duke zgjeruar në mënyrë dramatike kërkimet shkencore mbi kancerin, diagnostikimin, provat klinike, si dhe shërbimet gjithëpërfshirëse mbështetëse për pacientët, përfshirë ndihmën psikologjike, këshillimin gjenetik dhe financiar, nutricionin dhe kujdesin për mbijetuesit.