Padia është rasti i parë ku një botues i madh amerikan sfidon Google për funksionin “AI Overviews”, i cili shfaqet mbi rezultatet e kërkimit dhe, sipas mediave, po u zvogëlon ndjeshëm trafikun dhe të ardhurat. Penske thekson se vizitat online në faqet e saj – që arrijnë mbi 120 milionë në muaj – kanë rënë, ndërsa të ardhurat nga affiliate marketing kanë pësuar ulje me më shumë se një të tretën nga kulmi i vitit 2024.

Nga ana tjetër, Google thotë se përmbledhjet e AI-së u shërbejnë më mirë përdoruesve dhe u japin më shumë mundësi faqeve që të zbulohen. Megjithatë, shumë organizata mediatike kanë shprehur shqetësimin se Google po shfrytëzon pozitën e saj dominuese në treg, duke shmangur marrëveshjet e licencimit që kompani të tjera të AI-së tashmë kanë nënshkruar me botues si News Corp dhe Financial Times.

Ky proces pritet të ndikojë ndjeshëm në marrëdhënien mes mediave dhe gjigantëve të teknologjisë, duke hapur një debat të madh mbi të ardhmen e gazetarisë në epokën e inteligjencës artificiale.