Real Madrid ka marrë një lajm të keq: mbrojtësi brazilian Eder Militao pësoi një dëmtim serioz dhe do të mungojë për tre deri në katër muaj. Klubi konfirmoi se bëhet fjalë për një këputje të bicepsit femoral të këmbës së majtë me dëmtim të tendinit proksimal, sipas raportimeve të “Marca”.

Militao u detyrua të largohej nga fusha në minutën e 24-të të ndeshjes kundër Celtas në “Bernabeu”. Dëmtimi ndodhi gjatë një vrapimi rutinë, pa kontakt me ndonjë lojtar tjetër – një lëvizje që futbollistët kryejnë shpesh, por që kësaj radhe e vendosi brazilianin në vështirësi.

Ky mungesë përbën një goditje të rëndë për Realin, pasi Militao mund të humbasë deri në 29 ndeshje, duke përfshirë Kupën e Mbretit, Superkupën, derbin e Bernabeut dhe pjesën më të madhe të Ligës së Kampionëve deri në çerekfinale.

Real Madrid ka qenë pa një nga shtyllat e mbrojtjes për pjesën më të madhe të sezonit, gjë që e bën situatën taktikisht dhe emocionalisht sfiduese për ekipin.