Gjatë festave të fundvitit, mbajtja e rutinës së zakonshme të ushqimit dhe aktivitetit fizik shpesh bëhet e vështirë. Sipas ekspertëve të shëndetit dhe mirëqenies, çelësi nuk është rreptësia, por balanca dhe fleksibiliteti.

Dietologia Natalie Mokari dhe trajnerja e trupit dhe mendjes Dana Santas theksojnë se ndalimi i plotë i ushqimeve festive apo ndjenja e fajit mund të ndikojnë negativisht në shijimin e pushimeve. Në vend të kësaj, rekomandohet që ushqimeve të preferuara t’u shtohen fruta dhe perime, për të ruajtur energjinë dhe tretjen.

Edhe aktiviteti fizik nuk ka pse të jetë intensiv. Shëtitjet e shkurtra, lëvizjet e lehta, lojërat me familjen apo pak stretching gjatë ditës janë mënyra të thjeshta për ta mbajtur trupin aktiv.

Ekspertët theksojnë se disa vakte më të rënda apo disa ëmbëlsira nuk e rrezikojnë shëndetin, ndërsa kënaqësia, koha me familjen dhe qasja pa stres janë po aq të rëndësishme për mirëqenien.