Golfisti Rory McIlroy është shpallur BBC Sports Personality of the Year 2025, pas një sezoni të jashtëzakonshëm që e futi atë në historinë e sportit.

36-vjeçari nga Irlanda e Veriut e kompletoi Career Grand Slam-in, duke fituar Mastersin në Augusta dhe duke u bërë vetëm golfisti i gjashtë në histori – dhe i pari evropian – që e arrin këtë sukses.

McIlroy pati gjithashtu rol vendimtar në fitoren e Evropës në Ryder Cup, duke kontribuar me tre e gjysmë pikë në triumfin historik në tokën amerikane. Sezoni i tij brilant u plotësua me fitore në Irish Open, Players Championship, AT&T Pebble Beach Pro-Am dhe titullin e shtatë Race to Dubai.

Çmimi u vendos me votë publike, ndërsa McIlroy u bë vetëm golfisti i tretë që fiton këtë çmim prestigjioz në historinë e BBC-së.