Pak ditë para Vitit të Ri, Harry Styles ka publikuar në mënyrë të papritur videoklipin e tij të parë pas më shumë se dy vitesh. Projekti i ri titullohet “Forever, Forever” dhe shënon një rikthim emocional për artistin dhe fansat e tij.

Kënga është instrumentale dhe ishte debutuar për herë të parë live në piano gjatë koncertit përmbyllës të Love On Tour, më 22 korrik 2023 në Reggio Emilia, Itali.

Videoklipi, me një kohëzgjatje mbi tetë minuta, përqendrohet te nostalgjia e turneut dhe lidhja e fortë mes Harry Styles dhe komunitetit të tij global. Videoja mbyllet me mesazhin prekës “WE BELONG TOGETHER”, duke theksuar ndjenjën e bashkësisë që ka shoqëruar karrierën e tij vitet e fundit.