Të premten parashikohet depërtimi i një sistemi frontal nga perëndimi drejt lindjes gjatë orëve të para të 24-orëshit dhe në mëngjes, me ç’rast priten reshje shiu, lokalisht në formë rrebeshe. Gjatë ditës priten vranësira dhe intervale me kthjellime, ndërsa në disa zona reshjet e shiut do të vazhdojnë.

Në zonat malore priten reshje bore. Era do të fryjë kryesisht nga drejtimi i juglindjes, e cila herë pas here pritet të jetë mjaft e fuqishme, me shpejtësi prej 15-55 km/h. Në mbrëmje, si pasojë e ardhjes së masave të ftohta, era do të zhvendoset nga drejtimi i veriut.

Temperaturat minimale do të luhaten prej 4 deri në 6°C, ndërsa ato maksimale prej 8 deri në 11°C. /MeteoKosova/