Studimet e fundit shkencore po tregojnë se gjaku menstrual mund të ofrojë informacione të rëndësishme për shëndetin e grave, duke ndihmuar në zbulimin e sëmundjeve si endometrioza, kanceri i qafës së mitrës, diabeti dhe mungesa e vitaminës D.

Sipas studiuesve, gjaku menstrual është një lëng kompleks që përmban jo vetëm gjak, por edhe hormone, proteina, baktere dhe qeliza nga organet riprodhuese. Kjo e bën atë një burim të vlefshëm biologjik për analizat mjekësore.

Kompani dhe laboratorë kërkimorë në SHBA dhe Evropë kanë filluar të analizojnë mostra menstruale për të zhvilluar teste diagnostikuese më të shpejta, më të lira dhe më pak invazive se procedurat aktuale kirurgjikale.

Një nga fokusët kryesorë të këtyre studimeve është endometrioza, një sëmundje kronike që prek rreth 190 milionë gra në mbarë botën dhe shpesh diagnostikohet vetëm pas shumë vitesh.

Shkencëtarët shpresojnë se në të ardhmen analiza e gjakut menstrual mund të përdoret për diagnostikim të hershëm, parandalim dhe trajtim më të mirë të shumë sëmundjeve, duke ofruar një mënyrë më të lehtë dhe më të aksesueshme për monitorimin e shëndetit të grave.