Pushimet e shkurtëra gjatë orëve mësimore, të njohura si “recess”, janë thelbësore për shëndetin dhe suksesin akademik të fëmijëve, thonë pediatrit.

Sipas udhëzimeve të reja nga American Academy of Pediatrics, këto pauza nuk janë vetëm kohë loje, por një pjesë e rëndësishme e zhvillimit mendor, emocional dhe fizik të nxënësve.

Ekspertët theksojnë se fëmijët kanë nevojë për ndërprerje gjatë mësimit për të përmirësuar përqendrimin, për të ruajtur informacionin dhe për të zhvilluar aftësi sociale.

Po ashtu, aktiviteti fizik gjatë pushimeve ndihmon në parandalimin e obezitetit, një problem që prek rreth 1 në 5 fëmijë dhe adoleshentë në SHBA.

Udhëzimet rekomandojnë të paktën 20 minuta pushim në ditë dhe disa pauza gjatë orarit mësimor, duke theksuar se pushimet nuk duhet të përdoren si ndëshkim për nxënësit.

Studimet tregojnë se në shumë shkolla në SHBA, koha e pushimit është reduktuar ndjeshëm, ndërsa në disa vende si Danimarka dhe Japonia, nxënësit kanë pauza të rregullta pas çdo ore mësimi.