Gjatë temperaturave të larta, zgjedhja e veshjeve mund të ndikojë ndjeshëm në mënyrën se si trupi përballon vapën. Edhe pse zakonisht mendojmë se e bardha është zgjedhja më e mirë, ekspertët thonë se materiali dhe modeli i rrobave kanë po aq rëndësi sa ngjyra.

Rrobat e lirshme dhe që lejojnë ajrin të qarkullojë janë më të përshtatshme në ditët e nxehta. Në vapë të thatë, djersa avullohet më lehtë, ndërsa në temperatura të larta me lagështi, është më e rëndësishme të përdoren materiale që lejojnë avullin dhe nxehtësinë të largohen nga trupi.

Liri, pambuku dhe disa materiale sintetike mund të jenë zgjedhje të mira, ndërsa najloni dhe poliesteri përdoren shpesh në veshjet sportive sepse largojnë lagështinë dhe thahen shpejt. Megjithatë, pambuku mund të mbetet i lagësht për më gjatë.

Interesante është edhe rasti i veshjeve të zeza: kur janë të gjera, ato mund të ndihmojnë në krijimin e një qarkullimi ajri mes trupit dhe rrobës. Prandaj, në vapë, rrobat e gjera dhe të ajrosshme janë më të rëndësishme sesa thjesht zgjedhja mes të zezës dhe të bardhës.

Një tjetër mënyrë e thjeshtë për t’u freskuar është përdorimi i një shalli ose rrobe të lagur në kokë apo qafë, pasi avullimi i ujit ndihmon në uljen e temperaturës së trupit.