Spitalet publike në Kosovë përveç infrastrukturës në disa klinika po ballafaqohet edhe me mungesën e disa prej barnave.

Tek ato ka mungesë edhe të dioksidit të karbonit.

Ushtruesja e detyrës së drejtoreshës së Shërbimit Spitalor dhe Universitar të Kosovës Narqize Arënliu – Hoxhaj,  ka treguar se pse ka mungesë të dioksidit të karbonit.

“Ne i kemi shpallur procedurat tenderuese edhe më herët, por jam informuar se nuk ka operator ekonomik të regjistruar”, tha ajo, për Klan Kosova.

“Kemi pasur donacione. Shpresoj që së shpejti operatorët të pajisen me autorizim marketingu dhe shpresoj që të kemi edhe ne në spitalet tona”, theksoi Arënliu – Hoxhaj.