Filmi më i fundit i serisë “Mission: Impossible”, me titullin “The Final Reckoning”, ka grumbulluar 586 milionë dollarë në mbarë botën, një rezultat i mirë në letër, por që nuk mjafton për ta nxjerrë fitimprurës për shkak të buxhetit rekord prej 400 milionë dollarësh. Sipas rregullit të industrisë, një film duhet të fitojë mbi dyfishin e kostos për të konsideruar sukses financiar – gjë që këtu nuk ndodhi.

Pavarësisht kësaj, “The Final Reckoning” pati hapjen më të madhe në historinë e gjithë serisë dhe renditet si filmi i katërt më i suksesshëm në “Mission: Impossible”. Interesante është se aktualisht është vetëm 71 mijë dollarë larg për të kapur “Iron Man” të vitit 2008 – një film ku Tom Cruise kishte qenë në diskutim për rolin kryesor para se ai t’i takonte Robert Downey Jr.

Në fund të fundit, edhe pse nuk arriti të thyejë rekorde të reja, suksesi i pjesërishëm i “The Final Reckoning” dëshmon fuqinë e qëndrueshme të kësaj franchise, por edhe faktin që jo çdo film i madh është garanci për fitim – veçanërisht kur pritshmëritë janë në stratosferë.