Sipas hulumtimit, personat që konsumonin më shumë ushqime me konservues kishin 29% më shumë rrezik për tension të lartë dhe 16% më shumë rrezik për probleme kardiovaskulare.

Studimi përmend edhe konservues të njohur si acidi askorbik (vitamina C) dhe acidi citrik, të përdorur për të parandaluar prishjen apo ndryshimin e ngjyrës së ushqimeve të paketuara. Megjithatë, ekspertët theksojnë se kjo nuk vlen për vitaminën C natyrale që gjendet në fruta dhe perime, por për versionet e përdorura si aditivë në ushqime të përpunuara.

Ekspertët rekomandojnë konsumimin më të madh të ushqimeve të freskëta dhe sa më pak të përpunuara, duke theksuar se studimi nuk dëshmon shkak të drejtpërdrejtë, por tregon një lidhje që kërkon më shumë hulumtim.