Ekspertët e shëndetit theksojnë se çdo aktivitet fizik ndihmon në zgjatjen e jetës, por ushtrimet e forcës (strength training) luajnë rol kyç në përmirësimin e cilësisë së jetës me kalimin e viteve.

Ndërsa aktivitetet aerobike si ecja, vrapi apo çiklizmi ndihmojnë në shëndetin kardiovaskular, ushtrimet e forcës kontribuojnë në rritjen e muskujve, stabilitetin e trupit dhe parandalimin e lëndimeve.

Sipas ekspertëve, mjaftojnë dy seanca në javë me ushtrime bazike si squats, pompa, plank apo ngritje të lehta peshe për të parë përfitime të dukshme.

Studimet tregojnë se stërvitja e rregullt e forcës mund të ulë rrezikun e sëmundjeve kronike dhe të përmirësojë funksionin fizik, veçanërisht në moshë të shtyrë.

Specialistët theksojnë se kombinimi i ushtrimeve aerobike me ato të forcës sjell përfitimet më të mëdha për shëndetin afatgjatë.