Kombëtarja e Kosovës ka zhvilluar sot stërvitjen e fundit para përballjes me Irlandën në kuadër të Grupit B3 të Ligës së Kombeve. Seanca, e zhvilluar në stadiumin “Fadil Vokrri”, ka pasur ngarkesë të ulët fizike, ndërsa fokusi kryesor ka qenë te përgatitjet taktike. Përzgjedhësi Franco Foda u ka dhënë futbollistëve udhëzimet e fundit për duelin ndaj irlandezëve. Kosova dhe Irlanda përballen sonte në Prishtinë, me ndeshjen që nis në ora 20:45.