Më 6 tetor, Argjentina do të përballet me Beninin në stadiumin “Monumental”, në një miqësore që pritet të jetë edhe ndeshja e lamtumirës së Lionel Messit me Kombëtaren. Për nder të yllit argjentinas priten flamuj e banera gjigantë, video speciale, të ftuar dhe dedikime, ndërsa para ndeshjes do të organizohet një event kushtuar 39-vjeçarit. Pas përfundimit të takimit, Messi pritet të marrë mikrofonin dhe t’u drejtohet tifozëve në një moment emocional. Në ndeshje pritet të jenë të pranishëm edhe futbollistët e Argjentinës që fituan Botërorin në vitin 2022.