Një studim i publikuar në revistën "Nature" sugjeron se edhe një pije alkoolike në ditë mund të shkaktojë tkurrje të trurit, me efektet që përkeqësohen sa më shumë rritet konsumi i përditshëm i alkoolit.

Studimi analizoi të dhënat e mbi 36,000 pjesëmarrësve në studimin UK Biobank, duke krahasuar skanimet e trurit të tyre me modelet e plakjes.

Sipas studiuesve, një 50-vjeçar që konsumon një gotë verë (6 ounce) ose një pintë birrë çdo ditë ka një tru që duket dy vjet më i plakur krahasuar me ata që pinë gjysmën e kësaj sasie. Konsumi i tre njësive të alkoolit në ditë lidhej me një plakje shtesë të trurit prej 3.5 vitesh, ndërsa katër njësi në ditë e përshpejtojnë plakjen e trurit për më shumë se një dekadë.

“Nuk është lineare. Sa më shumë që pi, aq më keq bëhet,” tha bashkautori i studimit, Remi Daviet, profesor asistent në Universitetin e Wisconsin-Madison.

Këto gjetje shtojnë debatin në rritje mbi ndikimin e alkoolit në shëndet. Ndërsa kërkimet e mëparshme sugjeronin se pirja e moderuar mund të kishte përfitime shëndetësore, organizata si Federata Botërore e Zemrës tani deklarojnë se asnjë sasi alkooli nuk është e sigurt.